Month: April 2026

(ខ្លឹមសារព័ត៌មាន)៖ ស្ត្រីម្នាក់បានធ្លាក់ខ្លួនក្នុងស្ថានភាពដ៏អាក្រក់បំផុត ក្រោយពីព្យាយាមការពារខ្លួនពីការវាយដំយ៉ាងឃោរឃៅពីសំណាក់ប្តីដែលស្រវឹងស្រា។ កាលពីល្ងាចថ្ងៃទី១៩ ខែមេសា បុរសជាប្តីបានយកដំបងវាយប្រពន្ធឱ្យរបួសក្បាលយ៉ាងធ្ងន់ធ្ងរ ប៉ុន្តែក្នុងពេលប្រតាយប្រតប់គ្នា ស្ត្រីជាប្រពន្ធដណ្តើមដំបងបាន ក៏វាយបកវិញ ២ដំបង ដើម្បីដោះដៃ។ ក្រោយការតដៃ បុរសជាប្តីបានដួលសន្លប់ បង្កឱ្យមានការភ្ញាក់ផ្អើលដល់អ្នកជិតខាង។ ទោះបីជាមានការខិតខំបញ្ជូនទៅសង្គ្រោះនៅមន្ទីរពេទ្យរាជធានីភ្នំពេញក្តី ប៉ុន្តែដោយសារស្ថានភាពធ្ងន់ធ្ងរ បុរសរូបនោះបានបាត់បង់ជីវិតនៅតាមផ្លូវ បន្សល់ទុកនូវវិប្បដិសារីយ៉ាងធំធេងសម្រាប់ស្ត្រីជាប្រពន្ធ និងក្រុមគ្រួសារ។